хитайдин келидиған йолучиларға қарита йавропа дөләтлири муһим тәдбирләрни йолға қойушқа келишти
хитайда ковид-19 йуқуми йуқири пәллигә чиққанлиқи сәвәбидин йавропа иттипақи дөләтлири вә йавропа иттипақиға әза болмиған шенген дөләтлири өзара мас қәдәмлик тәдбирләрни йолға қойуш келишими түзди.
түркийә авази радийоси хәвири: йавропа иттипақи дөләтлири йавропа иттипақиниң алақидар органлири вә шенгенға әза дөләтләрниң кризисни башқурушқа мәсул әмәлдарлири белгийәниң пайтәхти бирйусселда бир йәргә җәм болуп, хитайдики йуқумниң әвҗ елишиға қарита қандақ қилиш тоғрисида музакириләшти.
йиғин ахирида йавропа иттипақи кеңишиниң нөвәтчи рәисликини қиливатқан шивитсийә байанат елан қилип, хитайға баридиған вә хитайдин келидиған барлиқ йолучиларниң тиббий маска тақишини тәвсийә қилиш қарари мақулланғанлиқини билдүрди.
йиғинда елинған қарарларда, хитайдин келидиған йолучиларниң бивастә ковид-19 тәкшүрүшидин өтүши мәҗбури һалға кәлтүрүлмиди. лекин йавропа иттипақи дөләтлириниң хитайдин кәлмәкчи болған йолучилардин учуштин 48 саәт бурун ковид-19 тәкшүрүшидин өткәнликигә даир һөҗҗәт көрситишни «күчлүк тәшвиқ қилидиғанли» билдүрүлди.
йавропа иттипақиға әза дөләтләр йәнә, хитайдин келидиған айропиланларниң йунди сүлирини тәкшүрүш вә йолучилардин әвришкә елип, кесәллик әһвалини тәқип қилиш үчүн ген тәртипини тәкшүрүш керәклики һәққидиму бирдәклик һаәсил қилди.
йавропа иттипақи дөләтлири мушу айниң оттурилирида хитайниң вәзийитигни қайтидин музакрилишидиған болди.
хитай алдинқи айниң бешида ковид -19 тәдбирлирини бошаштурғандин кейин, хитайда әвҗ елишқа башлиған йуқум вә кәң көләмдә тарқилишидин әнсирәватқан нурғун дөләтләр хитайдин келидиған сайаһәтчиләргә тәдбир қоллинидиғанлиқини елан қилған иди.
مۇناسىۋەتلىك خەۋەرلەر
афғанистанда кәлкүн апитидә 10 адәм қаза қилди
афғанистанниң 23 вилайитидә алдинқи һәптә йүз бәргән кәлкүн апитидә 10 адәм җенидин айрилди.
ашлиқ каридоридин 25 милйон тоннидин артуқ ашлиқ тошулди
ашлиқ каридори арқилиқ тошулған ашлиқниң омумий миқдари 25 милйон тоннидин ашти.
