сомалидин өз алдиға мустәқиллиқини җакарлиған сомалиланд өлкисидә паҗиәлик вәқәләр йүз бәрмәктә
сомалиландниң сол, санаг вә айн районлиридики йәрлик аһалиләр сомалиландниң өз алдиға мустәқиллиқ җакарлишиға қарши чиқмақта.
түркийә авази радийоси хәвири: сомалидин өз алдиға мустәқиллиқини җакарлиған сомалиланд өлкисидә йеқинқи бир һәптидин буйан йүз бериватқан вә 20 кишиниң қаза қилишиға сәвәб болған намайиш вә тоқунушлардин кейин, йүзләрчә киши өй - маканлиридин айрилишқа мәҗбур болди.
дөләт мәтбуатлиридики хәвәрләргә асасланғанда, тоқунуш йүз бериватқан солниң мәркизи лас анодтин йүзләрчә киши көчүп кәткән.
өй - маканлиридин айрилған пуқралар пакиз су вә йемәкликкә еһтийаҗлиқ вәзийәттә турмақта.
сомалиландниң сол районида килмики намәлум кишиләр тәрипидин адәм өлтүрүш вәқәлири йүз бәргәндин кейин, район хәлқи алдинқи һәптә кочиларға чиқип һөкүмәткә қарши наразилиқ билдүргән иди.
бихәтәрлик қисимлири пуқраларға оқ чиқарған вә нурғун киши қаза қилған иди.
сомалиландниң сол, санаг вә айн районлиридики йәрлик аһалиләр сомалиландниң өз алдиға мустәқиллиқ җакарлишиға қарши чиқмақта.
сомалиланд өлкиси башлиқи муса биһи абди йеқинқи бир һәптидин буйан давамлишватқан өктичи намайишлардин кейин, райондин һәргиз чекинмәйдиғанлиқини елан қилған иди.
