шәрқий қуддуста йәһудий көчмәнләр хиристийанларниң қәбристанлиқиға зийан салди
ишғалийәт астидики шәрқий қуддуста бир топ йәһудий көчмәнләр хиристийан қәбристанлиқиға һуҗум қилип, қәбриләргә зийан салди.
түркийә авази радийоси хәвири: йеңи йил байрими мунасивити билән 1 - йанвар йәкшәнбә күни йәһудий көчмәнләр шәрқий қуддустики сион егизлики протестант қәбристанлиқиға мәхпий кирип, 30 дин артуқ хиристийан қәбрисини бузуп ташлиди.
йәһудий көчмәнләр тарихий әһмийәткә игә қәбриләрдики мәрмәр крест бәлгилирини чиқип ташиди.
қуддусниң ангелас баш епископи һүсам наум қәбристанлиқта мухбирға бәргән байанатида, бу хил бузғунчилиқ вәқәлириниң қайта йүз беришиниң алдини елиш үчүн керәклик қәдәмләрни ташлайдиғанлиқини билдүрди.
баш епископ йәһудий көчмәнләрниң қәбристанлиққа бундақ һуҗумларни илгириму көп қетим қилғанлиқини тилға алди.
исраилийә сақчилири елан қилған байанатта, вәқә һәққидә тәкшүрүш башланғанлиқини уқтурулди.
сион егизлики қәбристанлиқи 1848 - йили османли дәвридә протестант хиристийанлириға тәқсим қилип берилгән иди.
