xewpsizlik kéngishining yéngi muweqqet ezaliri wezipe öteshke bashlidi

türkiye awazi radiyosi xewiri: ékwador, yaponiye, malta, mozambik we shiwéytsariye qatarliq besh dölet 15 ezaliq b d t xewpsizlik kéngishining yéngi muweqqet ezaliri aldimizdiki ikki yil boyiche (2023-2024) wezipe öteydu.

bu besh dölet wezipe ötesh mudditi 31 – dékabirda toshqan hindistan, irélandiye, kéniye, méksika we norwégiyening xewpsizlik kéngishidiki ornini alidu.

mozambik bilen shiwéytsariye tunji qétim daimiy ezaliqqa saylandi, buningdin ilgiri malta ikki qétim, ékwador töt qétim, yaponiye 12 qétim bu wezipini ötigenidi.

albaniye, biraziliye, gabon, gana we ereb birleshme xelipilikimu xewpsizlik kéngishining wezipe ötesh mudditi dawamlishiwatqan waqitliq ezaliri hésablinidu.

amérika, xitay, rusiye, engliye we fransiye jemiy 15 eza dölet bolghan b d t xewpsizlik kéngishining besh daimiy ezasi bolup, ularning wéto (ret) qilish hoquqi bar.

qalghan 10 muweqqet eza b d t omumiy kéngishidin saylinidu.