икки пирезидент амазон орманлиқиниң кәлгүсини музикириләшти
колумбийә пирезиденти густав петро билән биразилийәниң йеңи пирезиденти луйиз инакийо лула да силва амазон орманлиқиниң кәлгүсини музикириләшти.
түркийә авази радийоси хәвири: биразилийәниң йеңи пирезиденти силваниң қәсәм бериш мурасимидин кейин, колумбийә пирезиденти петро пайтәхт биразилийәдә йеңи пирезидент билән көрүшти вә мәнсәпдиши билән «амазон вә пакиз енергийә» мәсилисини музакириләшти.
колумбийә пирезидентлиқ мәһкимисиниң тор бетидә елан қилинған байанатта, икки рәһбәрниң амазондики орман кесишкә қарши туруш тәдбирлири вә икки дөләт мунасивәтлири һәққидә музакириләшкәнлики билдүрүлди.
петро биразилийәниң йеңи пирезиденти силва билән чүшкән рәсимини тивиттерда һәмбәһирләп, «амазон орминини инсанийәтниң мәнпәәти үчүн қутқузуш йолида чоң бир келишим» дегән ибариләрни ишләтти.
петро өзиниң вә силваниң америка қитәсидики пакиз енергийә байлиқидин техиму иҗабий пайдилиниш тоғрисида пикир алмаштурғанлиқини әскәртип, биразилийәниң өз нөвитидә йәнә колумбийәниң тинчлиқиниң капаләтчиси икәнликини ейтти.
силваниң райондики башқа дөләтләрниң қатнишиши билән амазон башлиқлар йиғинини чақиридиғанлиқи, амазонда алдинқи радикал оңчи пирезидент җайр болсонарониң дәвридә орман кесишниң йуқири пәллигә чиққанлиқи һәмбәһирләнди.
биразилийәдә, 31 - өктәбирдики пирезидентлиқ сайлиминиң иккинчи айланмисида ғәлибә қилған сол қанат сабиқ пирезидент силва 1 - йанварда парламентта қәсәм бәргән иди.
