shiwétsiyening térrorizmgha munasiwetlik maddilirigha tüzitish kirgüzülgen asasiy qanuni yolgha qoyuldi

türkiye awazi radiyosi xewiri: shiwétsiye edliye ministirliqi, asasiy qanungha kirgüzülgen tüzitishni «asasiy qanungha kirgüzülgen bu tüzitish térrorluqqa qarshi turushta téximu küchlük imkaniyetler bilen teminleydu» dégen téma astida jamaetchilikke élan qildi.

bayanatta: «shiwétsiye öz aldigha we bashqa döletler bilen birlikte térrorluq tehditige taqabil turush üchün zor tirishchanliq körsetmekte. térror, térrorluqning tesirige uchrighan jemiyetlerge éghir qiyinchiliqlarni élip kelmekte hemde xelqaraning tinchliq we bixeterlikige shundaqla dölet bixeterlikige xewp élip kelmekte. térrorluq intayin éghir jinayi qilmishlarni öz ichige alidighan, ijtimaiy muqimliqqa ziyan yetküzidighan xaraktérge ige bolup, démokratiye we kishilik hoquqtin erkin behrimen bolushning, iqtisadiy we ijtimaiy tereqqiyatning aldiki eng éghir tehditlerning biri» dégen ibarilerge orun bérildi.

térrorluqqa qarshi turushqa munasiwetlik maddilirigha tüzitish kirgüzülüp yolgha qoyulghan asasiy qanunning térrorluqqa qarshi turushta téximu küchlük imkaniyetler bilen teminleydighanliqi tekitlengen bayanatta: «asasiy qanungha kirgüzülgen bu tüzitish térrorluq paaliyetliri bilen shughullinidighan yaki térrorluqni qollaydighan guruppilarning teshkillinish erkinlikini qanun dairiside cheklesh pursiti bilen teminleydu. bu tüzitish yene, qanunni ijra qilghuchilarni — mesilen — bir térrorluq teshkilatigha qétilish, jinayet sadir qilish we térrorluq teshkilatlirini meni qilish imkaniyitige ige qilidu» déyildi.

bayanat shiwétsiyening enqerede turushluq elchixanisining ijtimaiy alaqe adrésidimu hembehrilendi.

shiwétsiye tashqi ishlar ministiri tobiyas bilström 23-dékabir bayanat élan qilip, tüzitish kirgüzülgen asasiy qanunning 2023-yili 1-yanwardin bashlap yolgha qoyulidighanliqini, 7-mart parlaméntqa jaza qanuni tapshuridighanliqlirini, shuning bilen, shiwétsiye jinayi ishlar qanunida yéngi jinayi jazaning barliqqa kélidighanliqini éytqanidi.

shiwétsiye tupriqida térrorluq heriketlirini teshwiq qilish we ularning bayriqini lepilditishning jinayet hésablinidighanliqini bildürgen bilström, bu qanunning 2023-yili 1-iyundin bashlap yolgha qoyulidighanliqini qeyt qilghanidi.