yaponiye xitaydin kelgenlerge wirus tedbirlirini ijra qilidu

türkiye awazi radiyosi xewiri: yaponiye hökümiti dunya sehiye teshkilatining xitayda wuxen wirusigha munasiwetlik weqelerning qaytidin köpiyishke bashlighanliqi toghrisida bayanat élan qilghandin kéyin, yéngi tedbirlerni yolgha qoyushni qarar qildi.

yaponiye bash weziri kishida fumiyo bayanat élan qilip, xitayda wuxen wirusigha munasiwetlik weqelerning köpiyiwatqanliqidin endishe hés qiliwatqanliqlirini bildürdi.

u xitaydiki dölet organliri we xususiy organlar élan qilghan wuxen wirusigha munasiwetlik weqeler heqqidiki oxshimasliqlar üstide toxtilip: «tepsiliy ehwalni bilish nahayiti tes, yaponiyede endishe éshiwatidu» dédi.

u wuxen wirusi bimarlirining yaponiyege kélishining aldini élish meqsitide, xitaydin kelgen yoluchilardin salametlik tekshürüsh netijisining telep qilinidighanliqini qeyt qildi.

yéngi belgilime boyiche, 30-dékabirdin (2022) bashlap xitaydin yaponiyege kelgenlerdin tekshürüsh netijisi musbet chiqqanlar yette kün, wirustin yuqumlinish alamiti körülmigenler besh kün karantin qilinidu.

dunya sehiye teshkilati diréktori tédros ötken élan qilghan bayanatida, xitayda köpiyiwatqan wuxen wirusigha munasiwetlik weqeler üchün «bu xeterlik késellikke munasiwetlik köpiyiwatqan weqelerdin endishe hés qiliwatimiz» dégen idi.

yaponiye hökümiti ikki yildin buyan wuxen wirusi sewebidin chégra éghizi we tamozhnilarda yolgha qoyghan karantin tedbirlirini öktebirde (2022) emeldin qaldurghan idi.