афғанистанда хизмәт қилидиған айалларға қарита йеңи бир чәклимә елан қилинди

талибан хизмәт қилидиған айалларға қарита йәнә бир чәклимини елан қилди.

1923292
афғанистанда хизмәт қилидиған айалларға қарита йеңи бир чәклимә елан қилинди

түркийә авази радийоси хәвири: талибан афғанистанда паалийәт елип бериватқан йәрлик вә чәт әллик аммиви тәшкилатларниң айал хадимларни ишлитишиниң иккинчи буйруқ чүшкәнгә қәдәр чәкләнгәнликини елан қилди.

талибан вақитлиқ һөкүмитиниң иқтисад министирлиқи байанатчиси абдураһман һәбиб министирлиқниң бу қарариниң мәмликәт миқйасидики барлиқ аммиви тәшкилатларға йолланғанлиқини вә бу қарарға қәтий әмәл қилиш керәкликини тәкитлиди.

абдураһман һәбиб бу қарарниң чәт әллик айал хадимларниму өз ичигә алидиған йаки алмайдиғанлиқиға даир соалға җаваб бериштин өзини қачурди.

министирлиқниң байанатида, бу органларда ишләйдиған айалларниң талибан һөкүмити йолға қойған һиҗаб қаидисигә «мувапиқ әмәл қилмиған» лиқиға даир нурғун шикайәтләр тапшуруп елинғанлиқи уқтурулди.

байанатта, айал хадимларни хизмәттин чиқармиған аммиви тәшкилатларниң иҗазәтнамисиниң әмәлдин қалдурулидиғанлиқи уқтурулди.

талибан вақитлиқ һөкүмитиниң алий маарип министирлиқи 20 - декабирда афғанистандики барлиқ дөләтлик вә хусусий университетларға буйруқ чүшүрүп, қиз оқуғучилар маарипиниң иккинчи уқтуруш чүшкәнгә қәдәр тохтитилғанлиқини елан қилған иди.

талибан өткән йили 15 - авғустта афғанистан һакимийитини алқиниға алғандин кейин, дөләт вә хусусий тармақларда ишләйдиған нурғун айаллар хизмитидин айрилип қалған иди.



مۇناسىۋەتلىك خەۋەرلەر