dunya sehiye teshkilati xitaydiki yuqum ehwalidin endishe qiliwatqanliqini bildürdi
dunya sehiye teshkilati bash diréktori doktor tédros adhanom gébréyus xitaydiki kowid-19 yuqumining yéqinqi bir qanche aydin buyanqi köpiyish ehwalidin endishe qiliwatqanliqini bildürdi.
türkiye awazi radiyosi xewiri: dunya sehiye teshkilati bash diréktori gébréyus teshkilatning shiwéytsariye paytexti jenwe shehiridiki merkizide ötküzülgen 2022-yilining eng axirqi muxbirlarni kütüwélish yighinida söz qilip, yéqinqi aylardin buyan xitayda yuqumning qaytidin köpiyishke yüzlengenlikige isharet qilghan halda: «dunya sehiye teshkilati bolush süpitimiz bilen, biz bu éghir késelning köpiyip kétishidin endishe qiliwatimiz» dédi.
uxitay hökümitini nöwettiki ehwalni etrapliq muhakime qilishqa, sanliq melumatlarni élan qilishqa we yuqumgha munasiwetlik tekshürüshlirini dawamlashturushqa chaqirdi.
amérikadiki bir qisim orunlarning mölcherige asaslanghanda, 2023-yili xitayda yuqum sewebidin 1 milyondin artuq ademning ölüsh éhtimali bar iken.
xitay ötken bir nechche hepte ichide qarar chiqirip, yuqum siyasitini özgertkenidi.
yuqumni nölge chüshürüsh siyasitini emeldin qaldurghan béyjing hökümiti, karantin qilish we taqash tedbirlirinimu toxtatqanidi.
