xitay we rusiye déngiz armiyeliri birleshme manéwir ötküzidu
xitay dölet mudapie ministirliqi xitay we rusiye déngiz armiyelirining 12-ayning 21-künidin 27-künigiche «birleshme déngiz -2022» namliq birleshme manéwir ötküzidighanliqini uqturdi.
türkiye awazi radiyosi xewiri: xitay dölet mudapie ministirliqi teripidin élan qilinghan bayanatta, manéwir bu qétimqi «2022-birleshme déngiz»nishanining, yéngi dewrde xitay-rusiye otturisidiki istratégiyelik hemkarliqni téximu chongqurlashturush ikenliki eskertilip mundaq déyildi: «xitay we rusiye déngiz armiyeliri 12-ayning 21-künidin 27-künigiche jushenning sherqidin teyjughiche sozulghan déngiz tewelikliride birleshme herbiy manéwir ötküzidu. bu birleshme manéwirning nishani, ikki terepning déngiz bixeterlik tehditige ortaq taqabil turush, xelqaraliq we rayonluq tinchliq hemde muqimliqini qoghdash, yéngi dewrde xitay-rusiyening otturisidiki istratégiyelik hemkarliq munasiwetlirini téximu chongqurlashturush iradisi we iqtidarini namayan qilishtur.»
