misir armiyesi yéngi xelqaraliq wezipilerni üstige aldi
misir armiyesi 153-birleshme xizmet guruppisining qomandanliq wezipisini tapshuruwalghandin kéyin, déngiz armiyeisining tunji qétim babulmendeb boghuzi we eden déngiz qoltuqi qatarliq qizil déngizda yéngi xelqaraliq wezipilerni üstige alghanliqini élan qildi.
türkiye awazi radiyosi xewiri: misir armiyesi bayanatchisi polkownik gharib abdulhafiz yazma bayanatida, misir déngiz armiyesining tunji qétim rayonning bixeterliki we muqimliqini ashurush shundaqla tehditlerge qarshi turush üchün eng muhim ortaq méxanizmlarning birsi bolghan «153 - birleshme xizmet etriti» ning qomandanliq wezipisini üstige alghanliqini bildürdi.
gharib abdulhafiz bu wezipining rayonning bixeterliki we muqimliqini hujum nishani qilghan tehditlerge taqabil turush üchün amérika we dost döletler bilen bolghan hemkarliq dairiside ijra qilinidighanliqini bildürüp, wezipe dairiside qizil déngiz, babul mandeb boghuzi we eden déngiz qoltuqi rayonida etkeschiliktin bashqa yene, térrorluq qatarliq qanunsiz heriketlerge qarshi küresh qilidighanliqini uqturdi.
armiyening bayanatchisi gharib abdulhafiz wezipini kimdin tapshurup alghanliqi toghrisida uchur bermidi, wezipe tapshurup bérish murasimi yaki wezipe ötesh mudditi toghrisidimu tepsilatlarni élan qilmidi.
amérika 150 -, 151 – we 152 – wezipe etritidin kéyin, birleshme déngiz armiyesi (CMF) ge qatnashqan tötinchi küch süpitide 153 - birleshme xizmet guruppisining 2022 - yili aprélda qurulghanliqini élan qilghan idi.
köp döletlik herbiy ittipaq bolghan birleshme déngiz armiyesi (CMF) ning 34 ezasi ichide, 2021-yili aprélda ittipaqqa qatnashqan misirmu mewjut.
bu guruppilarning herbiy paraxotliri bolupmu yershari tiransiport liniyieside bixeterlik we muqimliqni emelge ashurushqa töhpe qoshmaqta.
