ereb birleshme xelipiliki ay sharigha alem kémisi yollighan tunji ereb dölitige aylandi
ereb birleshme xelipiliki «rashid» namliq charlighuchi alem kémisini tetqiqat meqsitide ay sharigha yollidi.
türkiye awazi radiyosi xewiri: ereb birleshme xelipiliki ay sharigha alem kémisi yollighan tunji ereb dölitige aylandi.
ereb birleshme xelipiliki resmiy xewer agéntliqi «WAM» ning xewer qilishiche, ereb birleshme xelipilikining «rashid» namliq alem kémisi amérika alem kémisi we rakéta ishlepchiqarghuchi «SpaceX» shirkitining «Falcon 9» namliq rakétasi bilen, amérikaning florida ishtatidiki kéyp kanawéral bazisidin alem boshluqigha qoyup bérilgen.
xewerde bildürülishiche, alem kémisi texminen 5 aydin kéyin, ay sharigha yétip baridiken.
ereb birleshme xelipiliki 30 - noyabirda (2022) tetqiqat meqsitide ay sharigha yollimaqchi bolghan alem kémisining qoyup bérilish waqtini ikki qétim kéchiktürgen idi.
ereb birleshme xelipiliki qoyup béridighan alem kémisining, ay sharining géologiyelik qurulmisi qiyalar, plazma, chang-tozan we ay tupriqi qatartliqlarni tetqiq qilish shundaqla yéngi téxnikilarni tereqqiy qildurush üchün sanliq melumat toplash qatarliq wezipilerni orundaydighanliqi bildürülgen idi.
مۇناسىۋەتلىك خەۋەرلەر
polsha: zéminimizgha yadro qorallirini orunlashturushqa teyyarmiz
polsha öz zéminigha yadro qorallirini orunlashturushqa teyyar ikenlikini bildürdi.