shiwéytsariyede panahliq iltimasi ret qilinghan afghanistanliq köchmen özini öltürüwaldi
girétsiyedin shiwéytsariyege panahliq tilesh üchün barghan afghanistanliq bir köchmen yerlik sot mehkimisining uni chégradin qoghlap chiqirish toghruluq qarar chiqirishidin kéyin jenwede özini öltürüwaldi.
türkiye awazi radiyosi xewiri: shiwéytsariye döletlik téléwiziye qanili (RTS) ning xewer qilishiche, ötken yili jenwege bérip panahliq tiligen 18 yashliq eliriza, bir mezgildin buyan uni baghrigha basqan bir aile bilen birlikte turuwatqan bolup, firansuz tili öginiwatqan iken.
qisqa waqit ichide shiwéytsariyening muhitigha maslashqan bolushigha qarimay, jenwe sot mehkimisi elirizani chégradin qoghlap chiqirish we girétsiyege qayturuwétish toghruluq qarar chiqarghan.
jenwe sot mehkimisining bu qararidin kéyin, eliriza 6 – dékabir küni özini öltürüwalghan.
xewer qilinishiche, jenwe köchmenler idarisi, doxturlarning elirizaning özini öltürüwélishqa mayilliqi toghrisidiki agahlandurushigha pisent qilmighan.
elirizaning özini öltürüwalghanliqi toghrisida xewer tapqalghandin kéyin, minglarche kishi jenwening bél ayr kochisida namayish ötküzgen.
afghanistanliqlarnimu öz ichige alghan namayishchilar, «adalet telep qilimiz» dégendek shoarlarni towlap, jenwe sot mehkimisining qararigha naraziliq bildürgen.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
