шивейтсарийәдә панаһлиқ илтимаси рәт қилинған афғанистанлиқ көчмән өзини өлтүрүвалди

гиретсийәдин шивейтсарийәгә панаһлиқ тиләш үчүн барған афғанистанлиқ бир көчмән йәрлик сот мәһкимисиниң уни чеградин қоғлап чиқириш тоғрулуқ қарар чиқиришидин кейин җәнвәдә өзини өлтүрүвалди.

1916971
шивейтсарийәдә панаһлиқ илтимаси рәт қилинған афғанистанлиқ көчмән өзини өлтүрүвалди

түркийә авази радийоси хәвири: шивейтсарийә дөләтлик телевизийә қанили (RTS) ниң хәвәр қилишичә, өткән йили җәнвәгә берип панаһлиқ тилигән 18 йашлиқ әлириза, бир мәзгилдин буйан уни бағриға басқан бир аилә билән бирликтә туруватқан болуп, фирансуз тили өгиниватқан икән.

қисқа вақит ичидә шивейтсарийәниң муһитиға маслашқан болушиға қаримай, җәнвә сот мәһкимиси әлиризани чеградин қоғлап чиқириш вә гиретсийәгә қайтуруветиш тоғрулуқ қарар чиқарған.

җәнвә сот мәһкимисиниң бу қараридин кейин, әлириза 6 –  декабир күни өзини өлтүрүвалған.

хәвәр қилинишичә, җәнвә көчмәнләр идариси, дохтурларниң әлиризаниң өзини өлтүрүвелишқа майиллиқи тоғрисидики агаһландурушиға писәнт қилмиған.

әлиризаниң өзини өлтүрүвалғанлиқи тоғрисида хәвәр тапқалғандин кейин, миңларчә киши җәнвәниң бел айр кочисида намайиш өткүзгән.

афғанистанлиқларниму өз ичигә алған намайишчилар, «адаләт тәләп қилимиз» дегәндәк шоарларни товлап,  җәнвә сот мәһкимисиниң қарариға наразилиқ билдүргән.



مۇناسىۋەتلىك خەۋەرلەر