kaykonén: finlandiye türkiyening bixeterlik endishelirini chüshinidu

finlandiye dölet mudapie ministiri antti kaykonén (Antti Kaikkonen) türkiyening bixeterlik endishelirini chüshinidighanliqlirini we térrorluqqa qarshi küreshte qetiy qarargha ige ikenliklirini éytti.

1916911
kaykonén: finlandiye türkiyening bixeterlik endishelirini chüshinidu

türkiye awazi radiyosi xewiri: finlandiye dölet mudapie ministiri antti kaykonén resmiy dölet ishliri ziyariti üchün enqerege yétip keldi. u anadolu agéntliqining ziyaritini qobul qilghanda, türkiye dölet mudapie ministiri xulusi aqar bilen körüshüp, yawropaning nöwettiki weziyiti üstide intayin yaxshi söhbetlerni ötküzgenliklirini qeyt qildi.

u öziningmu, ministir xulusi aqarningmu ukrainaning nöwettiki weziyitidin endishe qilidighanliqlirini bildürüp: «nahayiti epsuski, bu tiragédiyelik urush téz axirlashmaydighandek turidu, emma biz tinchliq qanchiliq baldur ornitilsa shunchilik yaxshi bolidu dep qaraymiz» dédi.

u xulusi aqar bilen finlandiye we shiwétsiyening natogha eza bolush iltimasi hemde madridta imzalanghan finlandiye-shiwétsiye-türkiye üch terep kélishiminimu muzakire qilghanliqlirini eskertip, uchrishishning ijabiy we yaxshi muhitta ötkenlikini bildürdi.

u türkiyening bixeterlik endishelirini heqiqeten toghra chüshinidighanliqlirini eskertip: «türkiye finlandiyening térrorluqqa qarshi küreshte qetiy qarargha ige ikenlikige ishense bolidu. buningda héchqandaq guman yoq» dédi.

u natogha eza bolghan ehwalda finlandiyening rusiyege qarshi herbiy küchni téximu kücheytish meqsitide, ittipaqning herbiy qisimlirini we taktikiliq yadro qorallirini finlandiyege orunlashturushqa ruxset qilip-qilmaydighanliqi toghrisidiki soalgha: «yadro qoralliri toghrisidiki detalashlargha ochuq pozitsiye tutimiz. bularning bizning zéminimizda bolushigha alahide köngül bölüp ketmeymiz. nato finlandiyege yadro qorallirini ewetmeydu. buni nahayiti éniq bilimen» dep jawab berdi.        



مۇناسىۋەتلىك خەۋەرلەر