русийә украинаниң башқа җайлирини игиливелиш пилани йоқлуқини билдүрди

русийә пирезидентлиқ мәһкимиси — киремил байанатчиси димитрий песков, москвада мухбирларни күтүвелиш йиғини өткүзүп, русийәниң украинаниң техиму көп районларни қошувелиш пилани йоқлуқини ейтти.

1916563
русийә украинаниң башқа җайлирини игиливелиш пилани йоқлуқини билдүрди

түркийә авази радийоси хәвири: песков русийәниң украинадики йеңи районларни өзигә қошувелиш пиланиниң бар - йоқлуқи тоғрисидики бир соалға: «күнтәртиптә бундақ иш йоқ. һеч болмиғанда, бу йөнилиштә һечқандақ байанат берилмиди, әмма йәнила мәвҗут районларни азад қилиш үчүн қилишқа тегишлик нурғун ишлар бар. русийәгә йеңидин қошулған бәзи районларниң ишғал астидики җайлирини азад қилиш керәк» дәп җаваб бәрди.

песков, кийев һөкүмити халиған тәқдирдә, тоқунушларни әтила тохтитишниң мумкинликини вә украина пирезиденти виладимир зеленскийниң буни билидиғанлиқини тәкитлиди.

песков, қошувелинған қирим вәзийити тоғрисидиму тохтилип: «хәтәр давамлашмақта. чүнки украина тәрәп террорлуқ һуҗуми тәшкилләш сийаситини давамлаштуруватиду. әмма келиватқан учурлар үнүмлүк тақабил туруш тәдбирлириниңму йолға қойулғанлиқини көрситип бәрмәктә» деди.

у, москваниң русийә нефитигә әң йуқири баһа чеки қойуш сийаситигә җаваб қайтуридиғанлиқиға ишарәт қилип: «бизниң тәййарлиқлиримиз тамамлиниш алдида туруватиду» дегәнләрни қәйт қилди.



مۇناسىۋەتلىك خەۋەرلەر