путин: йадро уруши тәһдити күнсери күчәймәктә

русийә пирезиденти владимир путин йадро уруши тәһдитиниң күчийиватқанлиқини тәкитләп, «русийә (йадро қораллирини) биринчи болуп ишләтмәйду, әгәр биринчи болуп ишләтмисә, иккинчисиму болмайду» деди.

1916260
путин: йадро уруши тәһдити күнсери күчәймәктә

түркийә авази радийоси хәвири: русийә пирезиденти путин аммивий тәшкилатлар вә кишилик һоқуқни тәрәққи қилдуруш кеңиши йиғинида қилған сөзидә, донбаста йашайдиған хәлқләрниң кишилик һоқуқиниң 8 йил бойичә дәпсәндә қилинғанлиқини вә хәлқаралиқ тәшкилатларниң буни көрмәскә селип кәлгәнликини билдүрди.

путин украинада қозғиған «алаһидә һәрбий һәрикәт» тин кейин, бирләшкән дөләтләр тәшкилати кишилик һоқуқ кеңиши, йавропа кеңиши вә башқа кишилик һоқуқ тәшкилатлириниң ойғанғанлиқини әскәртип: «буларниң һәммиси бу қурулмиларниң қанунда бәлгиләнгән мәҗбурийәтлирини ада қилалмайдиғанлиқини көрситип бәрди. ашкара тәнқидий қараш сәвәбидин, русийә бу тәшкилатлардики әзалиқиға хатимә беришкә мәҗбур болди» деди.

путин ғәрб кишилик һоқуқ тәшкилатлириниң «русийәни мәвҗут болуп туруш һоқуқи һечбир шәкилдә болмиған иккинчи дәриҗилик дөләт қатарида көргәнликини» тәкитләп, дөләт мәнпәәти үчүн һәр хил йол вә васитиләр билән күрәш қилидиғанлиқлирини ейтти.

у: «әлвәттә, алди билән биз тинч йолларға әһмийәт беримиз. әмма, қилидиғанға башқа иш қалмиғанда, андин қолимиздики барлиқ амаллар билән өзимизни қоғдаймиз» деди.

у йәнә,  йадро урушиниң мумкинчилики һәққидиму тохтилип мундақ деди:

«йадро урушиниң тәһдити күнсери күчәймәктә. русийә (йадро қораллирини) биринчи болуп ишләтмәйду, әгәр биринчи болуп ишләтмисә, иккинчисиму болмайду. чүнки йадро қораллирини земинимизға қарши ишлитиш еһтималлиқи интайин чәклик.»

у ахирида, йадро қораллирини ишлитиш мумкинчилики һәққидә сөз қилмиғанлиқини, пәқәт җаваб сүпитидә бәзи тәдбирләрни йолға қойғанлиқлирини уқтурмақчи болғанлиқини ейтти.

 



مۇناسىۋەتلىك خەۋەرلەر