prays: washington türkiyening mudapie éhtiyajini qandurushni xalaydu

türkiye awazi radiyosi xewiri: néd prays kündilik muxbirlarni kütüwélish yighinida, türkiyege F-16 urush ayropilani sétip bérishni chekligüchi shertlerning dölet mudapie xamchotini öz ichige alghan 2023 – yilliq dölet mudapiesi salahiyetlendürüsh qanunidin chiqiriwétilishi toghrisidiki bir soalgha jawab bérip: «elwette, türkiye natoning muhim ittipaqdishi, muhim bixeterlik hemrahi. biz mudapie iqtidarimizni birleshtürüp, türkiyeni u duch kéliwatqan qorqunchluq tehditlerni yéngishige éhtiyajliq nersiler bilen teminleshni xalaymiz. natoning héchqandaq bir ittipaqdishi ezeldin öz zéminlirida bizning türk ittipaqdashlirimizdinmu köp térrorluq hujumigha uchrimidi. shunga, bixeterlik sahesidiki hemkarliqimiz biz üchün intayin muhim» dédi.

jumhur reis rejep tayyip erdoghan bilen amérika pirézidénti jo baydinning iyunda madridta ötküzülgen nato bashliqlar yighini jeryanida körüshkende bu mesilini muzakire qilghanliqini bayan qilghan prays, töwen qatlamlardimu muzakirilerning élip bériliwatqanliqini, amérika tashqi ishlar ministirliqining bu mesile toghrisida dölet mejlisi bilen sözleshkenlikini sözlirige ilawe qildi.