baydin dölet mejlisini yérim aptomatik qorallarni chekleshke chaqirdi

türkiye awazi radiyosi xewiri: amérikadiki  qoralliq zorawanliq qilmishlirining qurbanliri paytext washingtondiki saynt mark chérkawida murasim  ötküzüp xatirilendi؛ murasimgha pirézidént baydin we awam palatasi bashliqi nensiy pélosi  we köp sanda palata ezasi qatnashti.

murasimning échilish nutuqini sözligen démokratchilar qanitining kéngesh palata ezasi kiris murfi, bu yil dölet mejlisi we baydinning testiqi bilen  qanunlashqan «téximu bixeter jemiyet qanuni»ni resmiylishishini yéqindin qollap - quwwetligenliki üchün baydingha rehmet éytti.

arqidin 2012- yili konnéktikat ishtatining sandi xuk mektipide meydangha kelgen hujumning guwahchilirining biri bolghan jekéy xagérti nutuq sözlep, baydinni sehnige teklip qildi.

baydin yérim aptomatik qorallarning bir mezgil cheklengenlikini tilgha élip: «biz buni ilgiri qilduq, yene qilalaymiz» dédi we bu heqte amérika kongresini heriketke ötüshke chaqirdi.