боррел һазирқи йавропаниң өзини қоғдаш иқтидариға игә әмәсликини оттуриға қойди

йавропа иттипақиниң ташқи мунасивәт вә бихәтәрлик сийасити бойичә алий вәкили җосеп боррел, йавропа иттипақиниң өзини қоғдашқа еһтийаҗлиқ болған иқтидарларға игә әмәсликини оттуриға қойди.

1916555
боррел һазирқи йавропаниң өзини қоғдаш иқтидариға игә әмәсликини оттуриға қойди

түркийә авази радийоси  хәвири: боррел йавропа мудапиә агентлиқиниң йиллиқ йиғинида сөз қилип, украинадики урушниң йавропа иттипақи үчүн «рәһимсиз ойғиниш агаһландуруши» икәнликини илгири сүрүп: «көп йиллардин буйан мудапиәгә йетәрлик мәбләғ салмиғанлиқимиз үчүн, һәрбий запаслиримизниң тез сүрәттә хориғанлиқини һес қилдуқ. украинаға қилған йардимимиз запаслиримизниң тезликтә хоришини кәлтүрүп чиқарди. биз йәнә мудапиәлиниш үчүн ачқучлуқ иқтидарларға игә әмәсликимизниму һес қилдуқ. биз өзимизни қоғдаш үчүн керәклик болған иқтидарларға игә әмәсмиз» деди.

алий вәкил җосеп боррел, йавропа иттипақиниң әза дөләтләрниң запаслирини йеңилаш үчүн қорал-йарағ вә оқ-дора ишләпчиқириш миқдарини ашурушни мәбләғ билән тәминләшкә тәййар икәнликини билдүрүп: «мудапиә санаитиниң ишләпчиқириш иқтидарини ашурушиға йардәм беришимиз керәк» деди.

йавропа мудапиә агентлиқиниң йиллиқ доклатида, 2021-йили тунҗи қетим йавропа иттипақи дөләтлириниң мудапиә хамчотиниң 200 милйард йавродин ешип, 214 милйард йавроға йәткәнлики, әза дөләтләрниң бирләшмә сетивелиш чиқиминиң көпәйгәнлики, әмма йәнила нишандин хелила йирақта икәнлики қәйт қилинғаниди.



مۇناسىۋەتلىك خەۋەرلەر