исраилийә қисимлири наблус шәһиригә қарашлиқ кона шәһәр районини қоршавға алди

исраилийә армийәси ишғалийити астидики ғәрбий қирғақниң наблус шәһиригә қарашлиқ кона шәһәр районини қоршавға алди.

1916000
исраилийә қисимлири наблус шәһиригә қарашлиқ кона шәһәр районини қоршавға алди

түркийә авази радийоси хәвири: йәрлик мәнбәләрниң хәвәр қилишичә, исраилийә қисимлири наблусқа бесип кирип, шәһәрдики кона шәһәр районини қоршав астиға алған вә кириш-чиқиш еғизлирини тақиған.

хәвәрдә районда турушлуқ пәләстинликләр билән исраилийә әскәрлири оттурисида тоқунуш йүз бәргәнлики вә уқ авазлири аңланғанлиқи билдүрүлди.

өзлиригә «пәләстиндики шир өңкүри» дәп нам қойивалған бир гурруппа түнүгүн кона шәһәр районида исраилийәниң һәр қандақ һуҗумиға қарши тәййар вәзийәттә икәнликлирини елан қилған иди.

исраилийә йеқиндин буйан ишғалийәт астидики ғәрбий қирғақниң охшимиған җайлирида һуҗум вә тутқун қилиш һәрикәтлирини көпәйтмәктә.

исраилийә әскәрлири бесип кириш һәрикәтлиридә наразилиқ билдүргән пәләстинләргә кавчук оқлардин сирт, һәқиқий оқларниму ишләтмәктә. бу сәвәбтин ғәрбий қирғақниң һәр қайси җайлирида пәләстинлик гуруппилар билән исраилийә әскәрлири оттурисида тоқунуш йүз бәрмәктә.



مۇناسىۋەتلىك خەۋەرلەر