kongo démokratik jumhuriyitidiki isyanchilarning hujumida 272 puqra qaza qildi

kongo démokratik jumhuriyitining sherqige jaylashqan shimaliy kiwu ölkisidiki qozghilangchilarning 2 - dékabir kechte qozghighan hujumida 272 puqra qaza qildi.

1915638
kongo démokratik jumhuriyitidiki isyanchilarning hujumida 272 puqra qaza qildi

türkiye awazi radiyosi xewiri: kongo démokratik jumhuriyiti sanaet ministiri, shimaliy kiwuning sabiq waliysi julién paluku, shimaliy kiwu ölkisining rutshoru rayonigha qarashliq kishishé bazirida 23-mart herikiti namliq qozghilangchi guruppa ezalirining 2 –dékabir kéchisi qozghighan hujumida 17 nepiri kichik bala bolup, jemiy 272 puqraning hayatidin ayrilghanliqini uqturdi.

paluku, kongo démokratik jumhuriyiti edliye ministirining xelqara jinayi ishlar sot mehkimisining bu weqede toghrisida tekshürüsh élip bérishini telep qilish üchün laheyge ketkenlikini bildürdi.

döletning sherqide 2021-yili 11-aydin buyan 23 – mart herikiti qoralliqliri bilen kongo démokratik jumhuriyiti bixeterlik qisimliri otturisida toqunushlar dawam qilmaqta.

kongo démokratik jumhuriyiti hökümiti, riwandaning shimaliy kiwu rayonining paytexti gomani igiliwélishidin endishe qiliniwatqan 23 – mart herikitini qollawatqanliqini ilgiri sürmekte.

bu eyibleshni ret qiliwatqan riwanda bilen kongo démokratik jumhuriyiti otturisida siyasiy we diplomatik jiddiychilik dawamlashmaqta.

birleshken döletler teshkilatining doklatigha qarighanda, kongo démokratik jumhuriyiti chégrasidin qéziwélinghan bir qisim qimmetlik métallar chégra rayondiki qozghilangchilar teripidin qoshna döletlerge etkes qilinmaqta iken.


خەتكۈچ: #uyghurche , #kongo

مۇناسىۋەتلىك خەۋەرلەر