bilström: üch terep kélishimige nahayiti estayidil muamile qiliwatimiz
shiwétsiye tashqi ishlar ministiri tobiyas bilström, dölitining shiwétsiye - türkiye - finlandiye üch terep ramka kélishimining shertlirige intayin estayidil muamile qiliwatqanliqini éytti.
türkiye awazi radiyosi xewiri: shiwétsiye tashqi ishlar ministiri tobiyas bilström, dölitining 28-iyun shimaliy atlantik ehdi teshkilati — natogha eza bolush üchün shiwétsiye - türkiye - finlandiye otturisida imzalanghan üch terep ramka kélishimining shertlirige intayin estayidil muamile qiliwatqanliqini éytti.
amérika qoshma ishtatlirigha bérip, tashqi ishlar ministiri antoniy blinkén we finlandiye tashqi ishlar ministiri pékka haawisto bilen üch terep uchrishishi ötküzüshke teyyarliniwatqan bilström, shiwétsye xewer agéntliqi —TT gha bayanat berdi.
shiwétsiye, türkiye we finlandiye otturisida ispaniyening paytexti madridta chaqirilghan nato yighinida hasil qilinghan kélishim toghrisida toxtalghan bilström: «biz üch terep kélishimining shertlirige nahayiti estayidil muamile qilimiz. wedilirimizni orundashqa tirishiwatimiz, kélishimning herqaysi tarmaqlirida ilgirileshler bar» dédi.
dunyada bixeterlikning qiyin künlerni bashtin kechürüwatqanliqigha isharet qilghan bilström, shuning üchün, shiwétsiye bilen finlandiyening baldurraq natogha eza bolushi kéreklikini sözlirige ilawe qildi.
