билстрөм: үч тәрәп келишимигә наһайити әстайидил муамилә қиливатимиз

шиветсийә ташқи ишлар министири тобийас билстрөм, дөлитиниң шиветсийә - түркийә - финландийә үч тәрәп рамка келишиминиң шәртлиригә интайин әстайидил муамилә қиливатқанлиқини ейтти.

1916099
билстрөм: үч тәрәп келишимигә наһайити әстайидил муамилә қиливатимиз

түркийә авази радийоси хәвири: шиветсийә ташқи ишлар министири тобийас билстрөм, дөлитиниң 28-ийун шималий атлантик әһди тәшкилати — натоға әза болуш үчүн шиветсийә - түркийә - финландийә оттурисида имзаланған үч тәрәп рамка келишиминиң шәртлиригә интайин әстайидил муамилә қиливатқанлиқини ейтти.

америка қошма иштатлириға берип, ташқи ишлар министири антоний блинкен вә финландийә ташқи ишлар министири пекка һаависто билән үч тәрәп учришиши өткүзүшкә тәййарлиниватқан билстрөм, шиветсйә хәвәр агентлиқи —TT ға байанат бәрди.

шиветсийә, түркийә вә финландийә оттурисида испанийәниң пайтәхти мадридта чақирилған нато йиғинида һасил қилинған келишим тоғрисида тохталған билстрөм: «биз үч тәрәп келишиминиң шәртлиригә  наһайити әстайидил муамилә қилимиз. вәдилиримизни орундашқа тиришиватимиз, келишимниң һәрқайси тармақлирида илгириләшләр бар» деди.

дунйада бихәтәрликниң қийин күнләрни баштин кәчүрүватқанлиқиға ишарәт қилған билстрөм, шуниң үчүн, шиветсийә билән финландийәниң балдуррақ натоға әза болуши керәкликини сөзлиригә илавә қилди.



مۇناسىۋەتلىك خەۋەرلەر