rusiyediki bir néfit iskilati uchquchisiz hawa apparatining hujumigha uchridi

rusiyening kursk shehiridiki bir herbiy ayrodurumning néfit saqlash orni uchquchisiz hawa apparati hujumigha uchridi.

1915276
rusiyediki bir néfit iskilati uchquchisiz hawa apparatining hujumigha uchridi

türkiye awazi radiyosi xewiri: kursk rayoni waliysi roman starowit özining télégramma qanilida bayanat élan qilip, «kursk ayrodurumigha qilinghan uchquchisiz hawa apparati hujumi netijiside, néfit saqlash ornigha ot ketti. weqede adem ölüsh ehwali körülmidi. ot öchürüliwatidu. barliq alahide xadimlar neq meydanda tekshürüsh élip bériwatidu» dégenlerni qeyt qildi.

rusiye dölet mudapie ministirliqi, ukrainaning uchquchisiz hawa apparatlirini ishlitip rusiyening diyagiléwo we éngéls herbiy ayrodurumlirigha hujum qilip üch eskerning ölümi, töt eskerning yarilinishini keltürüp chiqarghanliqini  uqturghanidi.

rusiye armiyesi 24-féwral ukrainagha bésip kirip, ishghal herikiti bashlighanidi.


خەتكۈچ: #uyghurche , #néfit , #hujum , #rusiye

مۇناسىۋەتلىك خەۋەرلەر