xitayning dunyaning her qaysi jaylirida 100 din artuq saqchi merkizi qurghanliqi ilgiri sürüldi

xitayning chet ellerdiki öktichilerning izini qoghlash we ulargha bésim ishlitish üchün dunya miqyasida 100 din artuq qanunsiz mexpiy merkez qurghanliqi ilgiri sürüldi.

1915371
xitayning dunyaning her qaysi jaylirida 100 din artuq saqchi merkizi qurghanliqi ilgiri sürüldi

türkiye awazi radiyosi xewiri: ispaniyediki hökümetsiz teshkilat «Safeguard Defenders» teripidin neshr qilinghan «charlash we qayil qilish» mawzuluq doklatta, dunyaning herqaysi jaylirida xelqara qanunlargha xilap halda nechche onlighan «xitay saqchi mulazimet merkizi» barliqi ilgiri sürüldi.

doklatta, séntebirde (2022) doklat qilinghan 54 saqchi ponkitidin bashqa, yene 48 saqchi ponkitining barliqi, shuning bilen, 53 dölettiki saqchi ponkiti sanining 102 ge yetkenliki qeyt qilindi.

barliqi ilgiri sürülgen yéngi saqchi merkezlirining 11 ning italiyede, beshining kanadada, qalghanlirining kirodiye, sérbiye, ruméniye we bashqa döletlerde ikenlikige isharet qilinghan doklatta, mezkur saqchi ponkitlirining chet ellerde yashaydighan 230 ming xitayni xitaygha qaytishqa qayil qilghanliqi bildürüldi.

doklatta, firansiye paytexti parizhdin kem dégende bir xitayning öz dölitige qaytishqa qayil qilinghanliqi ilgiri sürüldi.

xitay tashqi ishlar ministirliqi bashqa döletlerdiki öktichilerni iz qoghlap tekshürüsh üchün «saqchi merkizi» qurulghanliqi toghrisidiki eyibleshlerni ret qilip, mezkur xadimlarning chet ellerdiki puqralarning matériyallirini hel qilishlirigha yardem qiliwatqanliqini ilgiri sürgenidi.



مۇناسىۋەتلىك خەۋەرلەر