хитай хәлқара кәчүрүм тәшкилатиға тор һуҗуми қилди

хәлқара кәчүрүм тәшкилатиниң канада тармиқи хитайниң қоллиши астидики тор һуҗумлириға учриғанлиқини елан қилди.

1915505
хитай хәлқара кәчүрүм тәшкилатиға тор һуҗуми қилди
siber saldiri.jpg

түркийә авази радийоси хәвири: хәлқара кәчүрүм тәшкилатиниң канада тармиқи тәрипидин елан қилинған байанатта, торһуҗумлириниң биринчи қетимлиқиниң 5 - өктәбирдә (2022) байқалғанлиқи билдүрүлүп, әдлийә тармақлири вә тор бихәтәрлик мутәхәссислириниң вәқәни тәкшүрүшкә башлиғанлиқи тәкитләнди.

тор һуҗуми сәвәбидин орган паалийитиниң тәхминән үч һәптә үзүлүп қалғанлиқи алаһидә әскәртилди.

көз қарашлири байанатқа киргүзүлгән баш катип кетти нивийабанди системидики тәкшүрүшләргә қариғанда, бу һуҗумниң пәқәт хитай вә хоңкоңғила четишлиқ  икәнликини шундақла алдинқи қатардики бир қанчә хитай паалийәтчилирини һуҗум нишани қилғанлиқини билдүрди.

кетти нивийабанди байанатида, «дунйа миқйасида кишилик һоқуқни қоғдаватқан бир тәшкилат болуш сүпитимиз билән бәзи дөләтләрниң хизмәтлиримизни ақситип қойушқа урунуши вә мәхпий назарәт қилишқа тиришишинииң түп нишани болуп қелишимиз мумкинликини йахши биләттуқ» деди вә бундақ һуҗум урунушлиридин һәргиз қорқуп қалмайдиғанлиқини, паалийәтчиләрниң, хадимларниң, ианә қилғучиларниң шундақла һәссидарларниң хусусий мәлумат мәхпийәтлики билән бихәтәрликигә зор әһмийәт беридиғанлиқлирини тәкитлиди.

мәркизи америкаға җайлашқан тор бихәтәрлик ширкити «Recorded Future» 2022 - йили авғуст ейидиму хәлқара кәчүрүм тәшкилати вә хәлқара кишилик һоқуқ федератсийәсиниң хитай хаккерлириниң тор һуҗумлириға учраш еһтимали йуқири тәшкилатлар қатарида икәнликини елан қилған иди.

хәлқара кәчүрүм тәшкилати хитайдики кишилик һоқуқ дәпсәндичиликлиригә қарши хәлқара җамаәтчиликни һәрикәткә өтүшкә үндәп кәлмәктә.  



مۇناسىۋەتلىك خەۋەرلەر