kiristérson: shiwétsiye térrorluq bazisigha aylinip qalmasliqi kérek

shiwétsiye bash ministiri ulf kiristérson, dölitining térrorluq bazisigha aylinip qalmasliqi kéreklikini otturigha qoydi.

1915119
kiristérson: shiwétsiye térrorluq bazisigha aylinip qalmasliqi kérek

türkiye awazi radiyosi xewiri: shiwétsiye bash ministiri ulf kiristérson, shiwétsiyediki türkiyege qarshi heriketliri bilen tonulghan sotsiyal démokratlar partiyesining sabiq parlamént ezasi nalin pékgulning, térrorchilarni shimaliy atlantik ehdi teshkilati — nato kélishimi dairiside türkiyege qayturup bermeslik toghrisidiki mektupigha jawab bérip: «shiwétsiye térrorluq bazisigha aylinip qalmasliqi kérek» dédi.

kiristérsonning pékgulgha yazghan jawab mektupida: «térrorluq weqeliri, térrorluqni meblegh bilen teminlesh yaki bashqa jinayetlerge arilashmighanlarning qorqushigha kérek yoq. emma, buning bilen birlikte, biz shiwétsiye sirtidiki döletlerge qarshi bolsun yaki bolmisun, shiwétsiyening térrorluq bazisigha aylinishigha yol qoymaymiz. bizning dölitimizge oxshashla, türkiyeningmu térorluqtin mudapielinish hoquqining barliqi toghrisidiki meydanim izchil éniq bolup keldi» dégen ibarilerge orun berdi.

shiwétsiyening türkiye we finlandiye bilen imzalinghan nato kélishimide ching turidighanliqini eskertken kiristérson, bashqa partiyelerningmu bu jehette hökümetni qollighanliqini tekitlidi.

türkiye, 28-iyun ispaniyening paytexti madridta ötküzülgen nato bashliqlar yighini jeryanida natogha ezaliq iltimasi sunghan finlandiye bilen shiwétsiyening telipini ret qilghan we térrorluq teshkilatlirini ochuq – ashkara qollawatqan mezkur ikki dölet bilen kélishim imzalighan bolup, enqere nöwette bu ikki döletning kélishmdiki wedilirini orundishini kütmekte.



مۇناسىۋەتلىك خەۋەرلەر