киристерсон: шиветсийә террорлуқ базисиға айлинип қалмаслиқи керәк

шиветсийә баш министири улф киристерсон, дөлитиниң террорлуқ базисиға айлинип қалмаслиқи керәкликини оттуриға қойди.

1915119
киристерсон: шиветсийә террорлуқ базисиға айлинип қалмаслиқи керәк

түркийә авази радийоси хәвири: шиветсийә баш министири улф киристерсон, шиветсийәдики түркийәгә қарши һәрикәтлири билән тонулған сотсийал демократлар партийәсиниң сабиқ парламент әзаси налин пекгулниң, террорчиларни шималий атлантик әһди тәшкилати — нато келишими даирисидә түркийәгә қайтуруп бәрмәслик тоғрисидики мәктупиға җаваб берип: «шиветсийә террорлуқ базисиға айлинип қалмаслиқи керәк» деди.

киристерсонниң пекгулға йазған җаваб мәктупида: «террорлуқ вәқәлири, террорлуқни мәбләғ билән тәминләш йаки башқа җинайәтләргә арилашмиғанларниң қорқушиға керәк йоқ. әмма, буниң билән бирликтә, биз шиветсийә сиртидики дөләтләргә қарши болсун йаки болмисун, шиветсийәниң террорлуқ базисиға айлинишиға йол қоймаймиз. бизниң дөлитимизгә охшашла, түркийәниңму терорлуқтин мудапиәлиниш һоқуқиниң барлиқи тоғрисидики мәйданим изчил ениқ болуп кәлди» дегән ибариләргә орун бәрди.

шиветсийәниң түркийә вә финландийә билән имзалинған нато келишимидә чиң туридиғанлиқини әскәрткән киристерсон, башқа партийәләрниңму бу җәһәттә һөкүмәтни қоллиғанлиқини тәкитлиди.

түркийә, 28-ийун испанийәниң пайтәхти мадридта өткүзүлгән нато башлиқлар йиғини җәрйанида натоға әзалиқ илтимаси сунған финландийә билән шиветсийәниң тәлипини рәт қилған вә террорлуқ тәшкилатлирини очуқ – ашкара қоллаватқан мәзкур икки дөләт билән келишим имзалиған болуп, әнқәрә нөвәттә бу икки дөләтниң келишмдики вәдилирини орундишини күтмәктә.



مۇناسىۋەتلىك خەۋەرلەر