италийәдики намайишта тоқунуш йүз бәрди

италийәниң милано шәһиридә өткүзүлгән қарши пикирдики икки намайишта, бихәтәрлик қисимлири солчиларниң оңчиларға қарап йүрүш қилғанларни калтәк билән бастурушқа урунди вә нәтиҗидә тоқунуш йүз бәрди.

1914714
италийәдики намайишта тоқунуш йүз бәрди

түркийә авази радийоси хәвири:ашқун оңчи вә русийәни қоллайдиған тәхминән 300 кишилик бир гуруппа кадорна мәйданиға йиғилип, украинаға қорал әвәтишкә қарши наразилиқ билдүрди. қоллирида мәшәл вә италийә байриқи көтүрүшүп йүрүш қилған ашқун оңчилар «биз урушқа қарши бирләштуқ» вә «русийә дүшмәнликигә йақ» дегән хәтләр йезилған лозункиларни ачти. ашқун оңчилар йүрүши җәрйанида мәшәл йеқип, урушқа қарши икәнликлирини билдүрди.

шәһәрниң йәнә бир нуқтиси болған домоға йеқин кайроли мәйданида болса, 500 дин артуқ солчи гуруппа әзалири уруш вә фашизмға наразлиқ намайиши өткүзүш үчүн бир йәргә җәм болди.

солчилар азғинә вақиттин кейин ашқун оңчилар намайиш қиливатқан районға қарап йүрүш қилмақчи болди.  бихәтәрлик қисимлири уларниң йүришигә тосқунлуқ қилди.

сақчилар билән солчилар оттурисида еғир қалаймиқанчилиқ йүз бәрди вә бихәтәрлик қисимлири уларни калтәк билән бастурушқа урунди.

италийә мәтбуатлиридики хәвәрләргә асасланғанда, вәқәдә 1 сақчи йариланған.



مۇناسىۋەتلىك خەۋەرلەر