amérika oman déngiz qoltuqida 50 tonna partilatquchni qolgha chüshürdi

türkiye awazi radiyosi xewiri: amérika déngiz armiyesining yazma bayanatida, 1 - dékabirda oman déngiz qoltuqida béliqchiliq kémisining toxtitilghanliqi bildürüldi.

kémining iran - yemen liniyeside toxtitilghanliqi, kémide 50 tonna partlatquch, bashqurulidighan bomba we rakéta üskünilirining qolgha chüshürülgenliki uqturuldi.

amérika déngiz armiyesi merkiziy qomandanliq ishtabi qomandani brad kupér élan qilghan bayanatida, bu kémining bir ay ichide qolgha chüshürülgen ikkinchi kéme ikenlikini  bildürüp, «bu iranning qanunsiz yollar arqiliq ejellik qoral etkeschiliki qiliwatqanliqining we rayonning muqimliqini buzuwatqanliqining muhim ipadisi» dédi.

yemendiki xusiylargha biwasite yaki wasitiliq qoral sétish, teminlesh yaki yötkesh birleshken döletler teshkilati xewpsizlik kéngishining 2216 - nomurluq qararigha shundaqla xelqara qanungha xilapliq qilghanliq ikenliki tekitlengen bayanatta yene, amérika 5 - flotining 8 - noyabirda yemenge partilatquch élip kétiwatqan bashqa bir kémini qolgha chüshürgenliki bildürüldi.