америка оман деңиз қолтуқида 50 тонна партилатқучни қолға чүшүрди

америка оман деңиз қолтуқида тохтатқан белиқчилиқ кемисидин 50 тонна партилатқуч дора вә нурғунлиған қанунсиз қоралларни қолға чүшүрди.

1914370
америка оман деңиз қолтуқида 50 тонна партилатқучни қолға чүшүрди

түркийә авази радийоси хәвири: америка деңиз армийәсиниң йазма байанатида, 1 - декабирда оман деңиз қолтуқида белиқчилиқ кемисиниң тохтитилғанлиқи билдүрүлди.

кеминиң иран - йәмән линийәсидә тохтитилғанлиқи, кемидә 50 тонна партлатқуч, башқурулидиған бомба вә ракета үскүнилириниң қолға чүшүрүлгәнлики уқтурулди.

америка деңиз армийәси мәркизий қоманданлиқ иштаби қомандани брад купер елан қилған байанатида, бу кеминиң бир ай ичидә қолға чүшүрүлгән иккинчи кемә икәнликини  билдүрүп, «бу иранниң қанунсиз йоллар арқилиқ әҗәллик қорал әткәсчилики қиливатқанлиқиниң вә районниң муқимлиқини бузуватқанлиқиниң муһим ипадиси» деди.

йәмәндики хусийларға биваситә йаки васитилиқ қорал сетиш, тәминләш йаки йөткәш бирләшкән дөләтләр тәшкилати хәвпсизлик кеңишиниң 2216 - номурлуқ қарариға шундақла хәлқара қанунға хилаплиқ қилғанлиқ икәнлики тәкитләнгән байанатта йәнә, америка 5 - флотиниң 8 - нойабирда йәмәнгә партилатқуч елип кетиватқан башқа бир кемини қолға чүшүргәнлики билдүрүлди.



مۇناسىۋەتلىك خەۋەرلەر