FBI: «tik-tok» amérika üchün bixeterlik endishisi yaratti

türkiye awazi radiyosi xewiri: wray, michigan uniwérsitéti teripidin ötküzülgen ilmiy muhakime yighinida, xitay hökümitining ammiwi taratqulardiki mezmunlarni kontrol qiliwatqanliqini éytti.

u, xitayning «tik-tok» arqiliq toplighan melumatlarni jasusluq üchün ishlitish éhtimalliqining barliqini eskertip mundaq dédi: «barliq melumatlar biz bilen ortaq qimmetlerni ortaqlashmaydighan bir hökümetning qolida. bu hökümet amérika qoshma ishtatlirining menpeetliri üchün xizmet qilmaydu. shunga, bu endishe peyda qilishi kérek.»

amérika qoshma ishtatliri fédératsiye tekshürüsh biyorusi, ilgiri köp qétim «tik-tok» arqiliq toplanghan melumatlarning xitay hökümiti teripidin «yaman gherezde» ishlitilish éhtimalliqining barliqini bildürgenidi.

yene bir tereptin, «tik-tok» meshghulat bölümining mesuli wanésa pappas, séntebirde amérika kéngesh palatasida ötküzülgen bir yighinda, xitay hökümiining bu pirogrammisining melumatlirigha qetiy érishkili bolmaydighanliqini bayan qilghanidi.