даешниң йеңи рәһбири әбу һәсән әл һашими әл қурәйши өлтүрүлди

америка армийәси мәркизи қоманданлиқ иштаби өктәбирдә (2022) әбу ибраһим әл һашими әл қурәйшини уҗуқтурғандин кейин, даеш террорлуқ тәшкилатиниң рәһбири болуп тәйинләнгән әбу һәсән әл һашими әл қурәйшиниңму өлтүрүлгәнликини елан қилди.

1913236
даешниң йеңи рәһбири әбу һәсән әл һашими әл қурәйши өлтүрүлди

түркийә авази радийоси хәвири:америка армийәси мәркизи қоманданлиқ иштаби ахбарат байанатчиси полковник җо буккино йазма байанатида, өктәбирниң оттурилирида әбу һәсән әл һашими әл қурәйшиниң уҗуқтурулуши даешқа йәнә бир еғир зәрбә болди. бу һәрикәт әркин сүрийә армийәси тәрипидин сүрийәниң дара вилайитидә ишқа ашурулди» дейилди.

җо буккино даешниң районға тәһдит болушни давамлштуруватқанлиқини вә американиң диққитини бу тәшкилатниң мәңгүлүк мәғлубийитигә мәркәзләшкәнликини ейтти.

даешқа қарши күрәштики башқа иттипақдашларниң, бу һуҗумда қандақ роли болғанлиқи намәлум.

америка армийәиси ирақ, сүрийә вә ийорданийә чеграси тутишидиған әл-таниф районида муғаввир әт-тавра намлиқ өктичи гуруппа билән һәмкарлашмақта.

бу гуруппа йеқинда исмини «әркин сүрийә армийәси» дәп өзгәрткән иди.

даешниң тунҗи рәһбири әбу бәкир әл бағдадиниң орниға тәйинләнгән әбу ибраһим әл һашими әл қурәйши февралда (2022) сүрийәниң ғәрбий шималида америка алаһидә қисимлири елип барған һәрикәттә өлтүрүлгән иди.



مۇناسىۋەتلىك خەۋەرلەر