zélénskiy: «rusiyening aldinqi septiki ehwali intayin nachar»

ukraina pirézidénti wolodimir zélénskiy ukrainaning donétsik aldinqi sépide rusiye qisimlirining dawamliq éghir ziyangha uchrawatqanliqini bildürüp: «rusiyening aldinqi septiki ehwali intayin nachar» dédi.

1912723
zélénskiy: «rusiyening aldinqi septiki ehwali intayin nachar»

türkiye awazi radiyosi xewiri: ukraina pirézidénti wolodimir zékénskiy télégramma adrésida hembehirlengen sinliq uchurida, 24 - féwralda bashlanghan rusiye-ukraina urushining dawam qiliwatqanliqini eskertti.

u rusiye qisimlirining donétsik sépide ilgirileshke urunghanliqini, emma ukraina armiyesining rusiye hujumlirini muweppeqiyetlik halda chékindürgenlikini tilgha élip: «rusiyening aldinqi septiki weziyiti intayin nachar» dédi.

rusiye qisimlirining donétsik aldinqi sépide zor ziyan tartqanliqini otturigha qoyghan zélénskiy, ukraina armiyesining rusiye qisimlirining ilgirilishige yol qoymighanliqini tekitlidi.

u rusiye qisimlirining luxansk rayonida kontrolluqi astidiki olturaq rayonlarni alqinida tutup turushqa tirishiwatqanliqini we xarkiw rayoni bilen jenubta ilgirileshke urunuwatqanliqini bildürdi.

rusiyening ukrainada urush bashlash arqiliq jinayet ötküzgenlikini tekitligen zélénskiy, rusiyening yuqiri derijilik siyasiy we herbiy emeldarlirini sotqa tartish üchün küchlük tirishchanliq körsitiwatqanliqini bildürüp: «biz alliqachan xelqara jinayi ishlar soti (ICC) bilen hemkarliq ornattuq we bu hemkarliqni kücheytimiz. epsuski hazirqi xelqara qanun qoralliri adalet (ukraina urushi) üchün yéterlik emes» dédi.

zélénskiy ukrainada bashlanghan urushta jinayiti bolghanlarni sotlash üchün bir xelqaraliq sotning qurulushi kéreklikini tekitlidi.

 


خەتكۈچ: #rusiye , #zélénskiy , #ukraina

مۇناسىۋەتلىك خەۋەرلەر