зеленский: «русийәниң алдинқи сәптики әһвали интайин начар»

украина пирезиденти володимир зеленский украинаниң донетсик алдинқи сепидә русийә қисимлириниң давамлиқ еғир зийанға учраватқанлиқини билдүрүп: «русийәниң алдинқи сәптики әһвали интайин начар» деди.

1912723
зеленский: «русийәниң алдинқи сәптики әһвали интайин начар»

түркийә авази радийоси хәвири: украина пирезиденти володимир зекенский телеграмма адресида һәмбәһирләнгән синлиқ учурида, 24 - февралда башланған русийә-украина урушиниң давам қиливатқанлиқини әскәртти.

у русийә қисимлириниң донетсик сепидә илгириләшкә урунғанлиқини, әмма украина армийәсиниң русийә һуҗумлирини мувәппәқийәтлик һалда чекиндүргәнликини тилға елип: «русийәниң алдинқи сәптики вәзийити интайин начар» деди.

русийә қисимлириниң донетсик алдинқи сепидә зор зийан тартқанлиқини оттуриға қойған зеленский, украина армийәсиниң русийә қисимлириниң илгирилишигә йол қоймиғанлиқини тәкитлиди.

у русийә қисимлириниң луханск районида контроллуқи астидики олтурақ районларни алқинида тутуп турушқа тиришиватқанлиқини вә харкив райони билән җәнубта илгириләшкә урунуватқанлиқини билдүрди.

русийәниң украинада уруш башлаш арқилиқ җинайәт өткүзгәнликини тәкитлигән зеленский, русийәниң йуқири дәриҗилик сийасий вә һәрбий әмәлдарлирини сотқа тартиш үчүн күчлүк тиришчанлиқ көрситиватқанлиқини билдүрүп: «биз аллиқачан хәлқара җинайи ишлар соти (ICC) билән һәмкарлиқ орнаттуқ вә бу һәмкарлиқни күчәйтимиз. әпсуски һазирқи хәлқара қанун қораллири адаләт (украина уруши) үчүн йетәрлик әмәс» деди.

зеленский украинада башланған урушта җинайити болғанларни сотлаш үчүн бир хәлқаралиқ сотниң қурулуши керәкликини тәкитлиди.

 



مۇناسىۋەتلىك خەۋەرلەر