yaponiye bilen mongghuliye rehberliri shimaliy koréyege jiddiy chaqiriq élan qildi

yaponiye we mongghuliye rehberliri bashqurulidighan bomba siniqi we yadro pirogrammisi bilen tehdit peyda qiliwatqan shimaliy koréyeni bu paaliyetlerni toxtitishqa chaqiriq qildi.

1912869
yaponiye bilen mongghuliye rehberliri shimaliy koréyege jiddiy chaqiriq élan qildi

türkiye awazi radiyosi xewiri: yaponiyening paytexti tokyoda ziyarette boluwatqan mongghuliye pirézidénti uxna xurélsux yaponiye bash weziri kishida fumiyo bilen ötküzgen uchrishishida, ikki tereplik we rayonluq munasiwetlerni muzakireleshti.

uchrishishtin kéyin élan qilinghan kishida we xurélsuxning birleshme bayanatida, shimaliy koréye hökümitini bashqurulidighan bomba siniqi we yadro pilanini toxtitishqa chaqirghanliqi bildürüldi.

rehberler sherqiy shimaliy asiyaning tinchliqi we muqimliqi üchün piyongyang hökümitidin b d t xewpsizlik kéngishining qararlirigha maslishishni telep qildi.

bayanatta, ikki döletning yene shimaliy koréyede tutup turuliwatqan yaponiye puqralirini yurtigha qayturush mesilisini derhal hel qilishni telep qilinghanliqi bildürüldi.

mongghuliyening shimaliy koréye bilen diplomatik munasiwiti bolghanliqi üchün «tutup turuluwatqan yaponiye puqraliri» mesiliside, tokyo hökümiti mongghuliyeni «muhim wasitichi» dep qarimaqta.

shimaliy koréye hökümitining 2022 - yilining béshidin buyan oxshimighan musapiliq 30 din artuq bashqurulidighan bomba siniqi qilghanliqi melum.



مۇناسىۋەتلىك خەۋەرلەر