iran qomandani: namayishlarda 300 din artuq kishi qaza qildi

iran inqilabi muhapizet armiyesi qomandanliridin biri bolghan emir eli hajizade namayishlarda 300 din artuq kishi qaza qilghanliqini élan qildi. wehalenki iran kishilik hoquq orgini 416 namayishchining qaza qilghanliqini doklat qilghan idi.

1912379
iran qomandani: namayishlarda 300 din artuq kishi qaza qildi

türkiye awazi radiyosi xewiri: iran inqilabni muhapizet armiyesi qomandanliridin biri bolghan hawa armiye qomandani birigada komandiri emir eli hajizade 22 yashliq mahsa eminining nazarette qaza qilishi sewebidin bashlanghan namayishlarda hazirgha qeder bixeterlik qisimliri xadimlirinimu qoshqanda, jemiy 300 din artuq kishining jénidin ayrilghanliqini élan qildi.

iranning oqughuchilar xewer tori (SNN) ning xewirige asaslanghanda, hajizade paytext téhrandiki shehid rejaiy uniwérsitétida sözligen nutuqida, texminen ikki yérim aydin buyan memliket miqyasida dawamlishiwatqan namayishlar heqqide toxtalghan. u namayishlarning hakimiyetke qarshi turghuchilar teripidin teshkilligenlikini, emma namayishqa qatnashqan hemmeylenni eyibleshke bolmaydighanliqini eskertip: «qozghilanggha aldanghanlar inqilabqa qarshi turghuchilar emes, ular balilirimiz we xelqimizning bir qismi» dégen.

dölettiki yashlarning «düshmenni tonumaydighanliqini» tekitligen hajizade, uniwérsitétlarda bu témida ders ötülüshi kéreklikini éytti.

iran qomandani hajizade namayishlarda jénidin ayrilghanlarning sani heqqide tunji qétim resmiy bayanat élan qildi.

u: «bu ikki ayda 300 din artuq kishi öltürüldi yaki shéhit boldi, chünki biz düshmenni perqlendürelmiduq» dédi.

paytext téhranda 13 - siétebirde (2022) «exlaq saqchisi» dep atalidighan irshad charlash etriti teripidin tutup kétilgendin kéyin, hoshidin kétip balnéstqa élinghan 22 yashliq mahsa eminining 16 - séntebirde qaza qilishi hökümetke qarshi namayishlargha seweb bolghan idi.

resmiy menbeler weqede, puqralar we bixeterlik qisimliri xadimlirining qaza qilghanliqini élan qilsimu, emma taratqularda peqet 60 tin artuq bixeterlik xadimining jénidin ayrilghanliqi xewer qilinghan idi.

merkizi norwégiyege jaylashqan iran kishilik hoquq orgini  22- noyabirda élan qilghan doklatida, mahsa eminining ölümidin kéyin bashlanghan kocha namayishlirida bixeterlik qisimlirining qattiq basturushi sewebidin 416 namayishchining qaza qilghanliqini bildürgen idi.

 



مۇناسىۋەتلىك خەۋەرلەر