володимир зеленский 7 дөләтниң ташқи ишлар министирлири билән көрүшти

украина пирезиденти володимир зеленский дөлитидә зийарәттә болуватқан 7 дөләтниң ташқи ишлар министирлири билән көрүшти.

1912253
володимир зеленский 7 дөләтниң ташқи ишлар министирлири билән көрүшти

түркийә авази радийоси хәвири: володимир зеленский иҗтимаий таратқу һесабида елан қилған байанатида, естонийә ташқи ишлар министири урмас рейнсалу, исландийә ташқи ишлар министири тордис колбрун гилфадоттир, латвийә ташқи ишлар министири едгарс ринкевикис, литва ташқи ишлар министири габрилийус ландсбергис, норвегийә ташқи ишлар министири анникен хуйтфелд, финландийә ташқи ишлар министири пекка һависто вә шиветсийә ташқи ишлар министири тобийас билстром билән көрүшкәнликини билдүрди.

зеленский, «силәрниң зийаритиңлар, болупму әң еғир қийинчилиқ мәзгилидә шерик дөләтләрниң украина билән болған күчлүк қоллаш вә иттипақлиқиниң муһим ипадисидур» деди.

балтиқ деңизи вә шималий йавропа дөләтлириниң украинаниң земин пүтүнлүки вә мустәқиллиқини қоғдашқа актип вә үнүмлүк йардәм бәргәнликигә рәһмәт ейтти.

у һәмбәһирлигән синлиқ учурида, 24 - февралдин буйан давам қиливатқан русийә - украина урушиға мунасивәтлик әң йеңи әһваллар үстидә тохталди.

москвадин кәлгән «йолйоруқлар» бойичә иш қилмиғанлиқи сәвәбидин русийәниң «өч елиш» үчүн украинаға уруш ачқанлиқини тәкитлигән зеленский: «украина һәргизму һалак болидиған җай болмайду» деди.

зеленский инсанпәрвәрлик йардәм мәқситидә дунйадики еһтийаҗлиқ дөләтләргә ашлиқ мәһсулатлирини йәткүзүш үчүн украинада ашлиқ тәшәббуси мунбири қурғанлиқини әскәртип, бу мәсилидә түркийә башлиқ, америка, корейә, йапонийә вә бир қисим йавропа иттипақи дөләтлири, шималий атлантик әһди тәшкилати вә бирләшкән дөләтләр тәшкилатиниң зор қоллишиға еришкәнликини әскәртти.



مۇناسىۋەتلىك خەۋەرلەر