stolténbérg: putin qish peslini qoral qilip paydilinishqa urunuwatidu

nato bash katipi stolténbérg natoning rusiye bilen urush qiliwatqan ukrainani qollashni dawamlashturidighanliqini bildürüp: «rusiye ghelibe qilsa uzun muddetlik tinchliq bolmaydu» dédi.

1912514
stolténbérg: putin qish peslini qoral qilip paydilinishqa urunuwatidu

türkiye awazi radiyosi xewiri: nato bash katipi stolténbérg nato tashqi ishlar ministirliri yighini ötküzülgen ruméniye paytexti buxaréstta, «aspén-jérmen marshal fondi munbiri» ning (Aspen-German Marshall FundForum) échilishida söz qildi.

u natoning rusiyening ishghal qilishigha qarshi sherqiy qanatta teyyarliqini kücheytkenlikini, urush qilish guruppilirining sanini töttin sekkizge chiqarghanliqlirini bildürdi.

u rusiye pirézidénti wladimir putinning urushta meghlub boluwatqanliqini, bu sewebtin zulum qilish bilen inkas qayturuwatqanliqini we ukrainadiki sheherlerge, ul-eslihelerge hujum qiliwatqanliqini qeyt qildi.

u: «rusiye ghelibe qilsa uzun muddetlik tinchliq bolmaydu. kelgüsidiki tinchliq uchrishishi üstelliride ukrainaning téximu küchlük bolushi üchün, ukrainani qollashni dawamlashturush kéreklikini we bu mesilide keynige chékinmeydighanliqliri» ni eskertti.

u ruméniye pirézidénti klawus iyoxannis bilen birlikte ötküzgen axbarat élan qilish yighinidimu, rusiyening ukrainaning éléktr istansisilirigha, tebiiy gaz we her xil ul-eslihelerge hujum qilishni dawamlashturushining chong éhtimalliq ikenlikini bildürgen idi.

u: «rusiyening qish peslige kirginimizde bundaq qilishi we putinning qish peslini qoral qilip paydilinishqa urunuwatqanliqini körsitip béridu» dégen idi.

rusiye 24-féwral (2022) ukrainagha qarshi tajawuzchiliq urushi qozghighan idi.  


خەتكۈچ: #ishghal , #nato , #buxarést

مۇناسىۋەتلىك خەۋەرلەر