столтенберг: путин қиш пәслини қорал қилип пайдилинишқа урунуватиду

нато баш катипи столтенберг натониң русийә билән уруш қиливатқан украинани қоллашни давамлаштуридиғанлиқини билдүрүп: «русийә ғәлибә қилса узун муддәтлик тинчлиқ болмайду» деди.

1912514
столтенберг: путин қиш пәслини қорал қилип пайдилинишқа урунуватиду

түркийә авази радийоси хәвири: нато баш катипи столтенберг нато ташқи ишлар министирлири йиғини өткүзүлгән руменийә пайтәхти бухарестта, «аспен-җермән маршал фонди мунбири» ниң (Aspen-German Marshall FundForum) ечилишида сөз қилди.

у натониң русийәниң ишғал қилишиға қарши шәрқий қанатта тәййарлиқини күчәйткәнликини, уруш қилиш гуруппилириниң санини төттин сәккизгә чиқарғанлиқлирини билдүрди.

у русийә пирезиденти владимир путинниң урушта мәғлуб болуватқанлиқини, бу сәвәбтин зулум қилиш билән инкас қайтуруватқанлиқини вә украинадики шәһәрләргә, ул-әслиһәләргә һуҗум қиливатқанлиқини қәйт қилди.

у: «русийә ғәлибә қилса узун муддәтлик тинчлиқ болмайду. кәлгүсидики тинчлиқ учришиши үстәллиридә украинаниң техиму күчлүк болуши үчүн, украинани қоллашни давамлаштуруш керәкликини вә бу мәсилидә кәйнигә чекинмәйдиғанлиқлири» ни әскәртти.

у руменийә пирезиденти клавус ийоханнис билән бирликтә өткүзгән ахбарат елан қилиш йиғинидиму, русийәниң украинаниң електр истансисилириға, тәбиий газ вә һәр хил ул-әслиһәләргә һуҗум қилишни давамлаштурушиниң чоң еһтималлиқ икәнликини билдүргән иди.

у: «русийәниң қиш пәслигә киргинимиздә бундақ қилиши вә путинниң қиш пәслини қорал қилип пайдилинишқа урунуватқанлиқини көрситип бериду» дегән иди.

русийә 24-феврал (2022) украинаға қарши таҗавузчилиқ уруши қозғиған иди.  



مۇناسىۋەتلىك خەۋەرلەر