rusiye - amérika otturisdiki istratégiyelik qorallargha munasiwetlik teptish yighini kéchiktürüldi
rusiye bilen amérika otturisidiki yéngi istratégiyelik qorallarni azaytish kélishimining teptish yighini kéchiktürüldi.
türkiye awazi radiyosi xewiri: rusiye tashqi ishlar ministirliqining bayanatida, 2010 - yili amérika bilen imzalanghan we 2011 - yili küchke ige bolghan <yéngi bashlinish> kélishimining ijra qilinishi we teptish qilinishigha munasiwetlik misir paytexti qahirede 29 - noyabirdin 6 - dékabirghiche (2022) ötküzülüshi pilanlanghan teptish yighinining kéchiktürülgenliki bildürüldi.
ötken yili uzartilghan we 2026 - yilghiche küchke ige bu kélishimge munasiwetlik teptish yighinining néme üchün kéchiktürülgenliki bildürülmidi.
rusiye muawin tashqi ishlar ministiri sérgéy riyabkow ilgiri élan qilghan bayanatida, mushu ayning béshida (2022) rusiye bilen amérika otturisida <yéngi bashlinish> ramkisi dairiside tekshürüshlerni eslige keltürüsh meqsitide muzakirelerning bashlinidighanliqini éytqan idi.
awghustta bolsa, rusiye tashqi ishlar ministirliqi bayanatchisi mariya zaxarowa amérika bilen rusiye otturisida kélishim dairisidiki tekshürüshlerge alaqidar bir qatar mesililerning hel qilinghanliqini bildürgen idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.