русийә - америка оттурисдики истратегийәлик қоралларға мунасивәтлик тәптиш йиғини кечиктүрүлди

русийә билән америка оттурисидики йеңи истратегийәлик қоралларни азайтиш келишиминиң тәптиш йиғини кечиктүрүлди.

1912327
русийә - америка оттурисдики истратегийәлик қоралларға мунасивәтлик тәптиш йиғини кечиктүрүлди

түркийә авази радийоси хәвири: русийә ташқи ишлар министирлиқиниң байанатида, 2010 - йили америка билән имзаланған вә 2011 - йили күчкә игә болған <йеңи башлиниш> келишиминиң иҗра қилиниши вә тәптиш қилинишиға мунасивәтлик мисир пайтәхти қаһирәдә 29 - нойабирдин 6 - декабирғичә (2022) өткүзүлүши пиланланған тәптиш йиғининиң кечиктүрүлгәнлики билдүрүлди.

өткән йили узартилған вә 2026 - йилғичә күчкә игә бу келишимгә мунасивәтлик тәптиш йиғининиң немә үчүн кечиктүрүлгәнлики билдүрүлмиди.

русийә муавин ташқи ишлар министири сергей рийабков илгири елан қилған байанатида, мушу айниң бешида (2022) русийә билән америка оттурисида <йеңи башлиниш> рамкиси даирисидә тәкшүрүшләрни әслигә кәлтүрүш мәқситидә музакирәләрниң  башлинидиғанлиқини ейтқан иди.

авғустта болса, русийә ташқи ишлар министирлиқи байанатчиси марийа захарова америка билән русийә оттурисида келишим даирисидики тәкшүрүшләргә алақидар бир қатар мәсилиләрниң һәл қилинғанлиқини билдүргән иди.

 



مۇناسىۋەتلىك خەۋەرلەر