үрүмчидики намайишлар пүтүн хитай миқйасиға кеңәймәктә

уйғур аптоном райониниң мәркизи үрүмчидә карантин астиға елинған туралғу бинасида от апити йүз бәргәндин кейин, қозғалған вухән вируси (ковид 19) тәдбирлиригә қарши намайишлар пүтүн хитай миқйасиға кеңәймәктә.

1911954
үрүмчидики намайишлар пүтүн хитай миқйасиға кеңәймәктә
cin kovid protesto.jpg

түркийә авази радийоси хәвири: түнүгүн (27-нойабир) кәчтә пайтәхт бейҗиңда өткүзүлгән намайишта, намайишчилар һөкүмәтниң от кетиш вәқәсигә тутқан позитсийәсигә наразилиқ билдүрди.

бейҗиңниң оттура қисмидики чавйаң районида кечидә лйамав қанилиниң икки тәрипигә топланған бир қанчә йүз кишилик гуруппа, үрүмчидики от апитидә җенидин айрилғанларни хатирилиди.

дәрйа бойиға шам йеқип, гүл қалдурған намайишчилар қоллиридики намайишларниң символиға айланған қуруқ ақ қәғәзләрни көтүрүшүп, «карантинни халимаймиз», «синақ қилинишни халимаймиз» дегән шоарларни товлиди.

хитайда аз учрайдиған бу намайиш әслидә хитай хәлқиниң һөкүмәтниң вухән вируси сийасити вә йуқумни контрол қилиш тәдбирлиригә болған ғәзәп- нәпритиниң күнсери күчийиватқанлиқиниң ипадииси, дәп қаралмақта.

24 – нойабир (2022) үрүмчи шәһириниң тәңритағ районидики биртуралғу бинасида йүз бәргән от апитидә, 10 киши қаза қилған вә даириләр бир өйниң токидин кашила чиқип  от кәткәнликини илгири сүргән иди.

от апити йүз бәргән туралғу бинасидики аһалиләрниң карантин сәвәбидин өйлиридин сиртқа чиқалмиғанлиқи, от өчүруш әтритиниңму метал тосуқлар билән қоршалған бинаға кирәлмигәнлики, һәмдә отни вақтида өчүрәлмигәнлики қаттиқ наразилиқ қозғиған иди.



مۇناسىۋەتلىك خەۋەرلەر