иран парламенти шаңхәй һәмкарлиқ тәшкилатиға әзалиқ лайиһәсини тәстиқлиди

иранниң шаңхәй һәмкарлиқ тәшкилатиға толуқ әза болушиға мунасивәтлик қарар лайиһәси, парламентта тәстиқланди.

1911743
иран парламенти шаңхәй һәмкарлиқ тәшкилатиға әзалиқ лайиһәсини тәстиқлиди

түркийә авази радийоси хәвири: иранлиқ оқуғучилар хәвәр агентлиқиниң(İSNA)  хәвиридә билдүрүлишичә, иран парламентида өткүзүлгән музакирә йиғинида, шаңхәй һәмкарлиқ тәшкилатиға әза болуш қарар лайиһәсиниң мунасивәтлик маддилири вә тәпсилатлири талаш-тартиш қилинип, авазға қойулған.

иранниң шаңхәй һәмкарлиқ тәшкилатиға толуқ әза болуш қарар лайиһәси үчүн өткүзүлгән беләт ташлашқа, 237 парламент әзаси қатнашқан болуп, буларниң 203 нәпири қоллиған, үч нәпири рәт қилған, төт нәпири аваз бериш һоқуқидин ваз кәчкән.

қарар лайиһәси бойичә, район тәшкилатлири билән иқтисадий, мәдәнийәт, хәвпсизлик вә сийасий мунасивәтләр һәмдә өзара һәмкарлиқларни күчәйтиш мәқситидә, иран һөкүмитиниң шаңхәй һәмкарлиқ тәшкилатиға әза дөләт салаһийитини қолға кәлтүрүш үчүн, мәзкур тәшкилат қурулғандин тартип бүгүнгичә қобул қилинған 49 һөҗҗәтни имзалишиға һоқуқ берилиду.

иран 2005-йили шаңхәй һәмкарлиқ тәшкилатиға көзәткүчи дөләт сүпитидә қатнашқан болуп, толуқ әзалиқ басқучи 2021-йили сентәбирдә башланған иди.

иран ташқи ишлар министири һүсәйин әмир аббдуллаһийан 14-сентәбирдә өзбекстанниң сәмәрқәнт шәһиридә иранниң шаңхәй һәмкарлиқ тәшкилатиға толуқ әза болушиға мунасивәтлик вәдинамәсини тәшкилат катипи җаң миң билән имзалиғанлиқлирини елан қилған иди.

1996-йили хитай, русийә, қазақистан, қирғизистан вә таҗикстан вәкиллириниң шаңхәйдә чегра районлирида һәрбий ишәнчни чоңқурлаштуруш келишимини имзалиши билән «шаңхәй бәш дөләт тәшкилати» қурулған иди.

түркийә мәзкур тәшкилатниң «дийалог шерики» дөлити сүпитидә әза. 2001-йили өзбекстанниң әза болуши билән, бу тәшкилатқа әза болған дөләт сани алитигә чиққан вә исми шаңхәй һәмкарлиқ тәшкилатиға өзгәртилгән иди. кейинчә, пакистан билән һиндистан әзалиққа қобул қилинған иди.



مۇناسىۋەتلىك خەۋەرلەر