sholz: ukraina urushigha putin jawabkar

türkiye awazi radiyosi xewiri: gérmaniye bash ministiri olaf sholz foks (Focus) zhurniligha bayanat bérip: «urush yawropagha qaytip keldi. qoshnisi ukrainadin zémin bölüwalmaqchi bolghan rusiye hökümitining xelqara qanunni rehimsizlerche depsende qilishi kishini qayghugha salidu» dédi.

u yawropada her qaysi döletlerning bir-biri bilen shiddetlik urush qilghan mezgilide qilghangha oxshash, rusiyening zéminini zorawanliq bilen kéngeytishke urunuwatqanliqini tekitlep, impériyalizmning yawropagha qaytip kelgenlikini bildürdi.

u ukraina urushining moskwaning pilanidin zor derijide perqliq bolghanliqini eskertip: «melum nuqtidin éytqanda, rusiyeningmu bu wehimilik weziyettin qutulush yoli izdeydighan waqti kélishi kérek. herbiy qisimlarning chékinishi hel qilghuch ehmiyetke ige» dédi.

u ukrainadiki urushning barliq xelqaraliq qanunlarni depsende qilghanliqini tekitlep: «bu urushqa rusiye pirézidénti wladimir putin jawabkar. ukrainada kishining ishengisi kelmeydighan derijide urush jinayetliri ötküzüldi. biz jinayetlerning tekshürülüshige, jawabkarlarning tépilishigha we ularning jazagha tartilishining kapaletke ige qilinishigha yardem qilimiz» dédi.