hindistan butan bilen hemkarliship yasap chiqqan süniy hemrahini qoyup berdi

hindistanda butan bilen birlikte tetqiq qilip yasap chiqqan «India-Bhutan SAT» süniy hemrahi alem boshluqigha qoyup bérildi.

1911501
hindistan butan bilen hemkarliship yasap chiqqan süniy hemrahini qoyup berdi

türkiye awazi radiyosi xewiri: hindistan tashqi ishlar ministirliqining bayanatigha asaslanghanda, hindistan alem tetqiqat merkizi (ISRO) «qutup süniy hemrah qoyup bérish rokiti (PSLV-C54) » bilen bir qanchilighan süniy hemrahlarni andra pradésh ölkisining jenubidiki sirixarikota ariligha jaylashqan <satish dawan> alem qatnishi merkizidin qoyup bergen.

bayanatta, rakétaning butan bilen birlikte tetqiq qilip yasap chiqilghan «India-Bhutan SAT» we hindistanning yersharini közitish süniy hemrahidin bashqa süniy hemrahlarnimu élip mangghanliqi bildürüldi.

bayanatta, «India-Bhutan SAT» süniy hemrahi teminleydighan yuqiri éniqliqtiki süretlerni tebiiy bayliqlarni bashqurush saheside ishlitidighanliqi uqturuldi.

hindistan tashqi ishlar ministiri subraxmanyam jayshankar süniy hemrahlar qoyup bérilgendin kéyinki bayanatida, buning hindistanning butan bilen bolghan ikki tereplik hemkarliqida «tarixi burulush nuqtisi» bolghanliqini éytti.  

ministir jayshankar hindistanda butanliq inzhénérlar bilen birlikte süniy hemrah yasash we süniy hemrahtin érishilgen sanliq melumatlarni analiz qilish jehette terbilesh élip bériliwatqanliqini, buning netijiside birlikte tereqqiy qildurulghan süniy hemrahning bügün qoyup bérilgenlikini bildürdi.


خەتكۈچ: #hindistan , #süniy hemrah , #butan

مۇناسىۋەتلىك خەۋەرلەر