biraziliyede ikki mektepke qilinghan qoralliq hujumda qaza qilghanlarning sani 4 ke örlidi

biraziliyede jüme küni 16 yashliq bir hujumchining ikki mektepke qilghan hujumida, yarilanghan bir kishining qaza qilishi sewebidin qaza qilghanlarning omumiy sani 4 ke örlidi.

1911479
biraziliyede ikki mektepke qilinghan qoralliq hujumda qaza qilghanlarning sani 4 ke örlidi

türkiye awazi radiyosi xewiri: biraziliyening resmiy xewer agéntliqi «agénsiya brasil» ning xewirige asaslanghanda, biraziliyening éspirito santo ölkiside tunji hujum yüz bergen pirimo bitti mektipide 38 yashliq oqutquchi flawiya ambos mérchon doxturxanida dawalash jaryanida qaza qilghan. shundaq qilip, ikki mektepke qilinghan hujumda 3 oqutquchi we 1 oqughuchi bolup, jemiy qaza qilghanlarning sani 4 ke köpeygen.

doxturxanida dawaliniwatqan 5 kishidin 4 nepirining ehwali éghir ikenliki, ulardin ikkisining 11 we 14 yashlardiki ösmür ikenliki bildürüldi.

jüme küni biraziliyening sherqidiki éspirito santo ölkisige qarashliq arakruz shehirining kokéyral mehellisige jaylashqan ikki mektepke bir kishi qoralliq hujum qilghan idi.

herbiy forma kéyip, yüzige maska taqiwalghan hujumchi bashlanghuch we ottura mektep sewiyeside maarip bilen shughullinidighan pirimo bitti mektipige bésip kirip uqqa tutqandin kéyin, yene shu kochidiki bashqa bir mektepkimu qoralliq hujum qilghan idi.

dairiler kimliki bildürülmigen hujum qilghuchining 16 yashliq ösmür ikenlikini, hujumni 2 yil pilanlighanliqini we natsist belgilik bileyzük taqiwalghanliqini bildürdi.

éspirito santo ölkisi waliysi rénato kasagrandé hujum sewebidin ölkide 3 künlük matem élan qilinghanliqini jakarlidi.


خەتكۈچ: #hujum , #mektep , #biraziliye

مۇناسىۋەتلىك خەۋەرلەر