yawropa parlaménti ukrainani 18 milyard yawroluq kirédit bilen teminlesh layihesini maqullidi

yawropa parlaménti yawropa ittipaqining rusiye bilen urush qiliwatqan ukrainani 2023 – yili 18 milyard yawroluq kirédit bilen teminlesh qanun layihesini maqullidi.

1910854
yawropa parlaménti ukrainani 18 milyard yawroluq kirédit bilen teminlesh layihesini maqullidi

türkiye awazi radiyosi xewiri: firansiyening strasburg shehiridiki yawropa parlaménti omumiy kéngishida awazgha qoyulghan qanun layihesi, 38 ge qarshi 508 awaz bilen qobul qilindi.

melumatlargha qarighanda, yawropa ittipaqi teripidin her ayda 1 milyard 500 milyon yawrogha bölüp bérilish pilanliniwatqan bu qanun layihesi, 2023-yili ukraina éhtiyajliq bolghan ayliq 3-4 milyard yawroluq kiréditning yérimini dégüdek qamdashni meqset qilidiken.

bu iqtisadiy yardem arqiliq bolupmu ukrainadiki doxturxana we mektep qatarliq ammiwi mulazimet orunlirini qoghdash, sergerdanlarni panahlandurush, makro iqtisadning muqimliqini saqlash we weyran bolghan puqralar ul eslihelirini qayta qurush nishan qilinidiken.

ukrainagha yawropa ittipaqi kiréditining bérilishke bashlinishi üchün, qanun layihesining choqum 6-dékabir eza döletler qurghan yawropa ittipaqi kéngishi teripidin birdek awaz bilen testiqlinishi kérek iken. bu kiréditning 2023-yilining bashliridin étibaren bérilishi kütülmekte iken.

yawropa parlaméntining melumatlirigha qarighanda, yawropa ittipaqi we eza döletler 24-féwral urush bashlanghandin buyan ukrainagha 19 milyard 700 milyon yawro yardem qilghan.



مۇناسىۋەتلىك خەۋەرلەر