ۋېنگىرىيە: شىۋېتسىيە بىلەن فىنلاندىيەنىڭ ناتوغا ئەزالىقىنى 2023 – يىلى مۇزاكىرە قىلىمىز

تۈركىيە ئاۋازى رادىيوسى خەۋىرى: ئوربان، ۋېنگىرىيەنىڭ شىۋېتسىيە بىلەن فىنلاندىيەنىڭ شىمالىي ئاتلانتىك ئەھدى تەشكىلاتىغا ئەزالىقىنى قوللايدىغانلىقىنى تەكىتلەپ مۇنداق دېدى: «ۋېنگىرىيە فىىلاندىيە بىلەن شىۋېتسىيەنىڭ ناتوغا ئەزالىقىنى قوللىماقتا. پارلامېنتىمىز بۇ مەسىلىنى كېلەر يىلنىڭ دەسلەپكى يىغىنىدا كۈنتەرتىپكە كىرگۈزىدۇ.»

ئىگىلىنىشىچە، ۋېنگىرىيە پارلامېنتىنىڭ 2023 – يىلللىق دەسلەپكى يىغىنىنىڭ فېۋرال ئېيىدا چاقىرىلىشى پىلانلانماقتا ئىكەن.

ۋېنگىرىيە ھۆكۈمىتى دائىرىلىرى ئىلگىرى ئېلان قىلغان باياناتلىرىدا، ۋېنگىرىيە پارلامېنتىنىڭ شىۋېتسىيە بىلەن فىنلاندىيەنىڭ ناتوغا ئەزا بولۇشىنى 2022 – يىلى تەستىقلايدىغانلىقىنى بىلدۈرگەنىدى.